RENUNGAN HARIAN TORAYA (REHAT)
Senin, 2 September 2024
POPA’BIASAKO KALEMU LAN KAMENGKAOLAN
(Latihlah dirimu beribadah )
1 Timotius 4:6-16
Iatu mentoring (umpassakka’) tu napogau’ Paulus lako Timotius, totemo mendadimo misa’ trend (kabiasan) la umpassakka’ misa’ pangulu. Paulus, to ma’passakka’, ussearan kada balo’ lako kalena Timotius, tu mendadimo pangulu misa’ kombongan. Nakua umpokadai kumua parallu ki’ tu tuo ilan katonganan, umpa’pangngadaran sia umpogau’ kadanNa Puang.
Paulus umpa’pangadaran misa’ gau’ tu unnala misa’ pa’pasisusian diona batang kale tu umparallui kande melo tu ladipolobo’ lulangnganna. Sipatunna duka moto tu deatanta ungkande kande mempenaa sitetena kaloboranna kapatonganan. Iamoto, sipatu ki’ umpelada’i sia umparitambukki tonganni tu kadanna Puang. Iamoto, iatu Timotius dipakilala tu la mendadi misa’ patuladanan melo lako torro to senga’. Mendadi misa’ pa’tuladanan melo, lan buangan kada, penggauran, pa’kaboro’, kapatonganan, na kamaloloan.
Belanna iatu umpa’tuladanan katonganan, sipatu ki’ tu lan ussolan tau senga’ tama pa’kaboro’Na Puang. Ten duka moto, nakua Paulus kumua mintu’na tau dipa’kamasean lako batang dikalena ma’rupa-rupa pa’kamase, na sipatu tu mintu’na to ladipopake umpakala’bi’ Puang sia umpakaboro’ padanta ma’rupa tau. Iamoto iatu Timotius dipanundu’ melo la ungka’da’ kalena. Sipatu duka ki’ la nenne’ bang la lobo’ lulangngan lan kapatonganan, dikua tae’ ta umpatongan pangadaran tang tongan.
Pa’basan allo totemo umpakilalaki’ la tuo ilan katonganan, menjadi pa’tuladanan melo lako padanta ma’rupa tau sia umpopake melo pa’kamaseNa Puang sia nenne’ bangki’ tu la lobo’ lulangngan lan kapatonganan. Mai komi ta makaritutu sia matuttu’ lobo’ lan kapatonganan sia kamaloloan. Dikua anta menjadi sa’bi’na Kristus lan te lino. Amin.
